Әлеуметтік-әдістемелік орталық
SDU University-дегі Әлеуметтік-әдістемелік орталық (ӘӘО) – студенттердің тұлғалық дамуын, әлеуметтік жауапкершілігін және құндылықтарға негізделген білім алуын қолдауға арналған құрылым.
Орталықтың негізгі мақсаты – университет миссиясы мен елдің құндылықтары аясында студенттердің саналы азамат болып қалыптасуына жағдай жасау, студенттермен тығыз қарым-қатынаста болатын әріптестерімізге әдістемелік қолдау көрсету.
Біздің қызмет бағыттарымыз:
Тұлғалық даму – халықаралық Character Education алаңы, Абай Құнанбайұлының "Толық Адам" концепциялары аясында студенттердің адамгершілік, мәдени және азаматтық құндылықтарын қалыптастыруда университет қауымдастығына бағыт бағдар беру.
Университет өміріне қоғамға бейімдеу– Community Engagement курстары (MDE 160, MDE 170) арқылы жеке даму, әлеуметтік жауапкершілік, инклюзия және тұрақты даму құндылықтарын насихаттау.
Әдістемелік қолдау – эдвайзерлер мен оқытушыларға арнап гайдбуктар, тренингтер мен семинарлар ұйымдастыру.
Зерттеу және мониторинг – студенттердің қажеттіліктері мен дамуын зерттеп, нәтижелерді университеттің стратегиялық дамуына енгізу.
Серіктестік – отандық және халықаралық ұйымдармен бірлескен жобалар арқылы тәжірибе алмасу мен үздік практикаларды енгізу.
Неге маңызды?
Әлеуметтік-әдістемелік орталық студенттердің тек академиялық жетістіктеріне ғана емес, олардың тұлға ретінде өсуіне, қоғамға пайдалы азамат болып қалыптасуына жағдай жасайды. Бұл – SDU University-дің болашақ көшбасшыларын тәрбиелеудегі басты бағыттарының бірі.